छंद के छ दूसरइया स्थापना दिवस
छत्तीसगढ़ के महान छंदविद् आदरणीय अरूण कुमार निगम गुरुदेव जी ह छत्तीसगढ़ म छंद ल बढ़ाय बर 9 मई के दिन #छंद के छ परिवार के स्थापना करे रहिन जेकर दुसरइया स्थापना दिवस के आयोजन काली 13 मई 2018 के #साहू समाज सामुदायिक भवन, सिमगा म आदरणीय छंद साधक मनी राम साहू भईया जी के संयोजन म होईस, पहिली सत्र म आदरणीय चोवाराम बादल भईया जी के द्वारा लिखे छंद बुक #छंद बिरवा जेकर समिक्षा राष्ट्रपति ले सम्मानित आदरणीय सकुंतला शर्मा दीदी अउ छत्तीसगढ़ के साहित्यिक ऑनलाइन पत्रिका www.gurturgoth.com के सम्पादक आदरणीय भईया संजीव तिवारी जी करिन, सौभाग्य मोरो हे के छंद परवार के महूँ सदस्य आवँ जिहाँ स्थापना दिवस के दूसर सत्र म छंदमय कवि गोष्ठी होईस अउ आदरणीय बलराम साहू जी ह स्व.सनत साहू जी के सुरता म जम्मों माई पहुना अउ जम्मो छंद साधक मन ल सम्मान पत्र देके सम्मानित करिस जेमा अापके अपन असकरन दास जोगी ल घलो सम्मान मिलिस ..... अइसन आयोजन बर भईया मनीराम साहू जी, बलराम साहू जी अउ कार्यक्रम के अध्यक्षता करत वरिष्ठ साहित्यकार सिमगा डॉ.नथमल झँवर जी ल हिरदे ले गंज अकन धन्यवाद
Comments
Post a Comment