ताहुकदार
*#ताहुकदार*
जोंगे अउ तियारे ल आथे
फेर अंगरी कटा जही तभो
मुतय नहीं गोड़ म
फलल-फलल भाषण देही
बइठे-बइठे खुर्सी टोरही
फेर एक ठन आड़ी के काड़ी ल नइ करय
एला जोंगबे त वोला जोंगही
करतेच हँव कहिके टरक दिही
अउ करही त...
परोसीतार मारही
कलेक्टर,मुनिम,मोकड़दम
का नइ समझय अपन आप ल
सुनव...
अइसनेच मनखे ल
हमर गाँव गँवई डहर कहिथैं
बड़ा आये अपन आप ल
ताहुकदार समझइया |
#असकरन_दास_जोगी
Comments
Post a Comment